Bladi Ghalia - Lotfi Double Kanon

Adresse mail :
Message :

Paroles de Bladi Ghalia:

meli dina listi9lal golna c bon thanina
kharjat frança li kanet bekri tektel fina
ch7al t3adab cha3b fi serkaji
listi9lal makan sahl la makanch saji
malgré bel7riga 7argouna l7arbia
ba3ouna zefafa wlad frança lgoumia
ro7o m3aha ta3tikoum carte sejour
ana manensach jou3 w la grefe des 7 jours
meme la liste des 22 f la memoire
mlioun wnass chahid mara7ouch hakak ghbar
200 algerien taychouhom men le pont
katlouhom fi paris f l'epoque ta3 maurice patton
wa9t tawra semawna lfellaga
62 ch7al nadmou 3alhadra dika
w3adou y3aytoulha l'algerie la grande
kanat fi 70 l'espoir ta3 tiers monde
raseha kan lfoug w cha3b 3aych hani
khsara ra7 kolech men nhar mat elhewari
wjat rasse casse w la course 3la lkourci
tcascadi bah tawsal wnass ghir tekrazi
ahfes a3fes asra9 ektol wadba7
dakhal l7abs l'essentiel lazm terba7
wyhij cha3b gdah men sna whoua sabr
khraj yreclami fi le 4 w 5 octobre
dlam w denia mdabba wrsas darba wnass harba
fi blassa tro7 tedderga kima tchouf lmout mgarrba
wmalgré hada lkoul lblad mazalt 7aya
w mazelt ana na7lam bah nhar nchoufha hania

na7lam bi bladi kinchoufha hania
fi galbi bladi 9imatha ghalia

wmba3d tkhaltat wzid la3jab zad
kolech wla flou mli kharjou la7zab
chkoun liga3d ygoul sa7 chkoun liga3d yatmaskhar bina
chkoun li dana fel vide wchkoun li ga3d yal3ab bina
wchefna melb3id lmout ga3da dour
ra7o 7aloulha lbiban galoulha azdmi f 2eme tour
wjat lfatwa wmen tema jat lfitna
wfrat 3ajal l'affaire hadia lguirra 3arfatna
chefna wlad cha3b felkfen mkeffna
khatak kayna nass galou l3bad hadia kafra
w3raftha bili lakan nar tetcha3al
ray7a ta7rag wtlahab wmatji ghir fe cha3b
bdaha men boudiaf allah yar7mou mskin
kija y7asebhoum ak 3ambalek belmassir
wzid hasni wcheb aziz chafou lmouta
ch7al men journaliste wch7al men wa7d kima benhamouda
wlad flan wflan harbou mhad leblad
wlad cha3b ahom fi la liste ta3 da7aya lirhab
fihom li7ayin wfihom li meytin
wfihom likatbouhom fi registre ta3 lmaf9oudin
allah ghaleb ghar hnaya kayn 3bad
makra may7abouch lkhir lelblad
3adika mada bihom eddem yab9a yssil
bach ylemou drahem wswaredhom ghir tzid
may3jabhoumch l7al kidzayr ra7 tethenna
ma3jabhoumch l7al ki ra2iss dar lhodna
houa dar lwi2am w la suite rahi jaya
anaya 9bal manmout n7ab nchouf bladi hania

na7lam bi bladi kinchoufha hania
fi galbi bladi 9imatha ghalia

Clip Video:

Il n'y pas encore de clip vidéo pour ce titre !
Vous pouvez ajouter le clip vidéo vous même ci-dessous: Vous devez etre membre pour ajouter un clip vidéo !